ಚೆನ್ನೈ: ಕನ್ನಡತಿ ಜೋಶ್ನಾ ಚಿನ್ನಪ್ಪ ಏಷ್ಯನ್ ಸ್ಕ್ವಾಷ್ ಚಾಂಪಿಯನ್ಷಿಪ್ ಮಹಿಳೆಯರ ಸಿಂಗಲ್ಸ್ ವಿಭಾಗದಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ. ಈ ಮೂಲಕ ಕೂಟದ ಇತಿಹಾಸದಲ್ಲಿ ಚಾಂಪಿಯನ್ ಪಟ್ಟವೇರಿದ ಮೊದಲ ಭಾರತೀಯರೆಂಬ ದಾಖಲೆ ಬರೆದರು.
ಭಾನುವಾರ ನಡೆದ ‘ಆಲ್ ಇಂಡಿಯನ್ ಫೈನಲ್’ ಪಂದ್ಯದಲ್ಲಿ ಜೋಶ್ನಾ ತಮ್ಮ ಗೆಳತಿ ದೀಪಿಕಾ ಪಲ್ಲಿಕಲ್ ವಿರುದ್ಧ 13-15, 12-10, 11-13, 11-4, 11-4 ರಿಂದ ಜಯ ಸಾಧಿಸಿದರು. ಜೋಶ್ನಾ 78 ನಿಮಿಷಗಳ ಹೋರಾಟದಲ್ಲಿ ಯಶ ಸಾಧಿಸಿದರು. ಟೂರ್ನಿಯ ಪಂದ್ಯಗಳು ನಡೆದ ಇಂಡಿಯನ್ ಸ್ಕಾ್ವಷ್ ಅಕಾಡೆಮಿಯಲ್ಲೇ ಈ ಆಟಗಾರ್ತಿಯರು ಒಟ್ಟಿಗೆ ಅಭ್ಯಾಸ ಮಾಡುತ್ತಿದ್ದು, ಚೊಚ್ಚಲ ಬಾರಿಗೆ ಭಾರತೀಯ ಆಟಗಾರ್ತಿಯರೇ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಫೈನಲ್ ಪ್ರವೇಶಿಸಿದ ಇತಿಹಾಸವನ್ನು ಇಲ್ಲೇ ನಿರ್ವಿುಸಿದ್ದು ವಿಶೇಷ. ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಭಾರತದ ಸೌರವ್ ಘೋಷಾಲ್ ರನ್ನರ್ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡರು. ಸೌರವ್ ಘೊಷಾಲ್ 11-5, 4-11, 8-11, 7-11 ರಿಂದ 81 ನಿಮಿಷಗಳ ಹೋರಾಟದಲ್ಲಿ ಹಾಂಕಾಂಗ್ನ ಅಗ್ರ ಶ್ರೇಯಾಂಕದ ಆಟಗಾರ, ವಿಶ್ವ ನಂ.17 ಮ್ಯಾಕ್ಸ್ ಲೀಗೆ ಶರಣಾದರು.
-ಪಿಟಿಐ
No comments:
Post a Comment