ಪ್ರಚಲಿತ ವಿದ್ಯಮಾನ : 28 ಏಪ್ರಿಲ್ 2017 : ವರ್ಷಾಂತ್ಯದಲ್ಲಿ ಐದು ಸಂವಹನ ಉಪಗ್ರಹ ಉಡಾವಣೆ – ಇಸ್ರೋ

ಹೈದರಾಬಾದ್​: ಇದೇ ವರ್ಷಾಂತ್ಯದಲ್ಲಿ ಇಸ್ರೋ ಐದು ಸಂವಹನ ಉಪಗ್ರಹಗಳನ್ನು ಉಡಾವಣೆ ಮಾಡಲಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಅಧ್ಯಕ್ಷ ಎ ಎಸ್ ಕಿರಣ್ ಕುಮಾರ್​ ತಿಳಿಸಿದ್ದಾರೆ.

ದೇಶದಲ್ಲಿ ಸಂವಹನ ವ್ಯಾಪ್ತಿ ಮತ್ತಷ್ಟು ವಿಸ್ತರಿಸುವ ಉದ್ದೇಶದಿಂದ ಐದು ಉಪಗ್ರಹಗಳ ಉಡಾವಣೆಗೆ ಇಸ್ರೋ ಸಜ್ಜಾಗಿದೆ ಎಂದು ತಿಳಿಸಿದರು.

ಈ ಐದು ಉಪಗ್ರಹಗಳು ಇದೇ ವರ್ಷದ ಕೊನೆಯಲ್ಲಿ ಅಂತರಿಕ್ಷಕ್ಕೆ ತಲುಪಲಿವೆ. ದೇಶಾದ್ಯಂತ ಸಂಖ್ಯೆ ಬಳಕೆಯಲ್ಲಿ ಯಾವುದೇ ಅನಾನುಕೂಲವಿಲ್ಲದ ಹಾಗೆ ಈ ಉಪಗ್ರಹಗಳು ಕಾರ್ಯ ನಿರ್ವಹಿಸಲಿವೆ ಎಂದು ಇಸ್ರೋ ಅಧ್ಯಕ್ಷ ಮಾಹಿತಿ ನೀಡಿದರು.

ಗುರುವಾರ ಒಸ್ಮಾನಿಯಾ ವಿಶ್ವವಿದ್ಯಾಲಯದಲ್ಲಿ ಉಪನ್ಯಾಸ ನೀಡುವ ವೇಳೆ ಇಸ್ರೋ ಅಧ್ಯಕ್ಷ ಕಿರಣ್​ ಕುಮಾರ್ ಈ ಮಾಹಿತಿ ನೀಡಿದರು.

ವಿಶ್ವದಲ್ಲೇ ಭಾರತ ಏಕಕಾಲಕ್ಕೆ ಅತಿ ಹೆಚ್ಚು ಉಪಗ್ರಹಗಳನ್ನು ಉಡಾವಣೆಗೊಳಿಸಿದ ಮೊದಲ ರಾಷ್ಟ್ರವಾಗಿದೆ ಎಂದು ಹೇಳಿದರು.

ಕಳೆದ ಫೆಬ್ರವರಿಯಲ್ಲಿ ಶ್ರೀಹರಿಕೋಟಾದಿಂದ 104 ಉಪಗ್ರಹಗಳನ್ನು ಏಕಕಾಲಕ್ಕೆ ಯಶಸ್ವಿ ಉಡಾವಣೆಗೊಳಿಸಲಾಗಿತ್ತು. ಈ ಮೂಲಕ ಮತ್ತೊಂದು ದಾಖಲೆಯನ್ನು ಇಸ್ರೋ ದಾಖಲಿಸಿತ್ತು. (ಏಜೆನ್ಸೀಸ್)